இந்தியாவில் இருந்து அமெரிக்கா செல்ல வேண்டும் என்றால் குறைந்தது ரூ.50 ஆயிரத்தில் இருந்து ரூ.60 ஆயிரம் வரை விமான டிக்கெட்டுக்கு மட்டும் செலவாகும். அதிலும் அமெரிக்காவில் உள்ள சான்பிரான்சிஸ்கோ செல்ல வேண்டும் என்றால் குறைந்தது ரூ.2 லட்சம் செலவாகும். இந்த நிலையில் டெல்லியில் இருந்து லாஸ் ஏஞ்சல்ஸ் நகருக்கு வெறும் ரூ.13ஆயிரம் கட்டணத்தில் விமான சேவையை இயக்குகிறது 'வாவ் ஏர்லைன்ஸ்
ஐஸ்லாந்து நாட்டை சேர்ந்த இந்த விமான நிறுவனம், டெல்லியில் இருந்து ஐஸ்லாந்து நாட்டின் தலைநகர் கெஃப்லாவிக் நகருக்கு சென்று அங்கிருந்து அமெரிக்காவுக்கு பயணம் செய்யும் வகையில் இணைப்பு விமான சேவையை வரும் டிசம்பர் முதல் தொடங்கவுள்ளது. இந்தியாவில் இருந்து தினம் சுமார் 20 ஆயிரம் அமெரிக்கா செல்வதாகவும், இவர்களில் 80% பேர் இணைப்பு விமானத்தில் செல்வதாகவும், அவர்களை டார்கெட் செய்வதே எங்களது நோக்கம் என்றும் வாவ் ஏர்லைன்ஸ் நிறுவனத்தின் நிறுவனர் ஸ்குலி மொகன்சன் தெரிவித்துள்ளார்.
வரும் டிசம்பர் 5ஆம் தேதி முதல் வாவ் ஏர்லைன்ஸ் தனது சேவையை இந்தியாவில் தொடங்கவுள்ளதாகவும், ஐரோப்பா மற்றும் வடஅமெரிக்கா நாடுகளில் முன்னணி நிறுவனமாக செயல்பட்டு கொண்டிருக்கும் எங்கள் நிறுவனம் இந்தியாவிலும் நிச்சயம் தனது சேவையை நீட்டித்து ஆசியாவின் ஆதரவை பெறும் என்றும் ஸ்குலி மொகன்சன் நம்பிக்கை தெரிவித்துள்ளார்
