கம்ப்யூட்டரில் கால்பந்து கேம் விளையாடி இளைஞர் ஒருவர் ரூ.1.7 கோடி ரூபாய் பரிசு வென்றுள்ளார்.
பிரபல கம்யூட்டர் கேம் நிறுவனமான இஏ நிறுவனம் சமீபத்தில் பிபா கால்பந்து இ-உலகக்கோப்பை தொடரை நடத்தியது. உலகம் முழுவதும் இந்த தொடரில் சுமார் 2 கோடி பேர் கலந்து கொண்டனர்.
பல்வேறு கட்டங்களாக நடந்த இந்த போட்டியின் இறுதிச்சுற்று நேற்று லண்டனில் நடந்தது. இந்த இறுதிப்போட்டியில் சவுதி அரேபியாவை சேர்ந்த எமெஸ்டாஸ்ட்ரி என்பவர் ஸ்டீபனோ என்பவரை எதிர்கொண்டார்.
எமெஸ்டாஸ்ட்ரி சிறப்பாக விளையாடி ஸ்டீபனோவை 4-0 என்ற கோல் கணக்கில் வீழ்த்தி சாம்பியன் பட்டத்தை தட்டிச்சென்றார். அவருக்கு 2.5 லட்சம் அமெரிக்க டாலர் (இந்திய மதிப்பில் ரூ.1.7 கோடி) பரிசுத்தொகையாக வழங்கப்பட்டுள்ளது.
