விஜய் தற்போது நடித்து வரும் லியோ படத்துக்குப் பிறகு இயக்குனர் வெங்கட் பிரபு இயக்கத்தில் நடிக்க உள்ளார். இந்த படத்தின் அதிகாரப்பூர்வ அறிவிப்பு சில வாரங்களுக்கு முன்னர் வெளியான நிலையில் இசையமைப்பாளராக யுவன் ஷங்கர் ராஜா ஒப்பந்தமாகியுள்ளார். படத்தை ஏஜிஎஸ் நிறுவனம் தயாரிக்கிறது.
இந்நிலையில் கடந்த சில நாட்களாக இந்த படத்தில் ஹீரோயினாக நடிக்க தமன்னா மற்றும் பிரியா பவானி சங்கர் ஆகியோரிடம் பேச்சுவார்த்தை நடத்தப்படுவதாக தகவல்கள் சமூகவலைதளங்களில் பரவி வருகின்றன. ஆனால் அதிகாரப்பூர்வமாக எந்த தகவலும் லியோ ரிலீஸ் வரை வெளிவராது என சொல்லப்படுகிறது.
இந்நிலையில் இப்போது புதிய தகவலாக இந்த படத்தில் ஜோதிகாவை விஜய்க்கு ஜோடியாக நடிக்க வைக்கலாம் என்ற முடிவை வெங்கட் பிரபு எடுத்துள்ளதாக சொல்லப்படுகிறது. இப்போது வயதான ஹீரோக்களுக்கு அவர்களுக்கு இணையான வயதுடைய நடிகைகளை நடிக்கவைப்பது ட்ரண்ட் ஆகியுள்ளது. இதனால் குஷி, திருமலை ஆகிய படங்களில் இணைந்து நடித்த விஜய், ஜோதிகா ஜோடியை மீண்டும் இணைக்கலாம் என வெங்கட்பிரபு முடிவெடுத்திருக்கலாம் என தெரிகிறது.
