கெளதம் மேனன் இத்தனை நாட்களாகப் பாதுகாத்துவந்த ‘மிஸ்டர் எக்ஸ்’ யார் என்ற விவரத்தை வெளிப்படுத்தியுள்ளார்.
கெளதம் மேனன் இயக்கத்தில், தனுஷ் நடித்துவரும் படம் ‘என்னை நோக்கி பாயும் தோட்டா’. இந்தப் படத்தில் தனுஷ் ஜோடியாக மேகா ஆகாஷ் நடிக்கிறார். ஏ.ஆர்.ரஹ்மானை இந்தப் படத்துக்கு இசையமைக்க வைப்பதாக தனுஷிடம் வாக்கு கொடுத்த கெளதம் மேனன், அதை நிறைவேற்றவில்லை.
அதற்குப் பதிலாக இன்னொரு இசையமைப்பாளரை வைத்து இசையமைக்க வைத்தவர், அந்த இசையமைப்பாளர் யார் என்பதை வெளியில் சொல்லவில்லை. ‘மிஸ்டர் எக்ஸ்’ என்றே அவரைக் குறிப்பிட்டு வந்தார். படத்தில் இருந்து இரண்டு பாடல்களை ரிலீஸாகியுள்ளன. அதில், சித்ஸ்ரீராம் பாடிய ‘மறுவார்த்தை பேசாதே...’ பாடல் சூப்பர் ஹிட்டாகியுள்ளது.
இந்நிலையில், ‘மிஸ்டர் எக்ஸ்’ யார் என்பதை அதிகாரப்பூர்வமாக அறிவித்துள்ளார் கெளதம் மேனன். காமெடி நடிகரும், இசையமைப்பாளருமான தர்புகா ஷிவா தான் அந்த எக்ஸ். சசிகுமார் நடிப்பில் வெளியான ‘கிடாரி’ படத்துக்கு இசையமைத்தவர் இவர் என்பது குறிப்பிடத்தக்கது.
