நடிகை தன்ஷிகா தற்போது ஆனந்த் மூர்த்தியின் இயக்கத்தில் ‘சினம்’ என்ற குறும்படத்தில் நடித்து வருகிறார். படத்தில் தன்ஷிகா பாலியல் தொழிலாளியாக வருகிறார். மேலும் படத்திற்காக தம்மடிக்கிறாராம்.
தன்ஷிகா பாலியல் தொழிலாளியாக துணிந்து நடிப்பதே பலரையும் வியக்க வைத்துள்ள நிலையில் அவர் புகைப்பிடிக்கும் காட்சிகளில் வேறு நடிக்கிறாராம்.
கதாபாத்திரத்திற்காக புகைப்பிடிக்க வேண்டும் என்று கூறியவுடன் தன்ஷிகா தயங்காமல் அந்த காட்சிகளில் நடித்துள்ளார் என்று இயக்குனர் மூர்த்தி தெரிவித்துள்ளார். படத்தில் மாடல் பிடிதா பாக்கும் உள்ளார். கதை தன்ஷிகா மற்றும் ஆவணப் பட இயக்குனராக நடிக்கும் பிடிதாவை சுற்றி தான் நகர்கிறது என்று மூர்த்தி தெரிவித்துள்ளார். படத்திற்கு ஜி.வி. பிரகாஷ் இசையமைக்கிறார். கொல்கத்தாவில் படமாக்கப்படுகிறது இப்படம்.
