சென்னை சூப்பர் கிங்ஸ் அணியின் நட்சத்திர வீரர் தல தோனி தற்போது சென்னையில் தங்கியிருக்கும் நிலையில் சென்னை சத்யம் தியேட்டரில் ‘மஞ்சும்மெல் பாய்ஸ்’ படம் பார்த்த வீடியோ இணையத்தில் வைரல் ஆகி வருகிறது.
ஐபிஎல் போட்டி தொடர் சமீபத்தில் ஆரம்பமான நிலையில் முதல் போட்டியில் பெங்களூரு அணியை சிஎஸ்கே அணி வீழ்த்தியது என்பது தெரிந்தது. இதனை அடுத்து அடுத்த போட்டி சென்னை சேப்பாக்கம் மைதானத்தில் சென்னை மற்றும் குஜராத் அணிகளுக்கு இடையே நடைபெற உள்ளது
வரும் 26ஆம் தேதி நடைபெற உள்ள இந்த போட்டிக்காக தோனி உட்பட சிஎஸ்கே வீரர்கள் தற்போது பயிற்சியில் ஈடுபட்டு வருகின்றனர். இந்நிலையில் சென்னை சத்யம் தியேட்டரில் ‘மஞ்சும்மெல் பாய்ஸ்’ படம் பார்க்க தோனி வந்த நிலையில் அவருடன் தீபக் சஹார் வந்திருந்தார். இருவரும் படம் பார்த்து விட்டு வெளியே வந்த போது தோனியை பார்த்ததும் ரசிகர்கள் தோனி தோனி என்று கோஷமிட இது குறித்த வீடியோ இணையத்தில் வைரல் ஆகி வருகிறது.
மலையாளத் திரைப்படமான ‘மஞ்சும்மெல் பாய்ஸ்’ சென்னை உள்பட தமிழகம் முழுவதும் மிகப்பெரிய வரவேற்பை பெற்றது என்பது 200 கோடி வசூல் செய்து சூப்பர் ஹிட் ஆகியுள்ளது என்பது குறிப்பிடத்தக்கது.,
