ஆசிய விளையாட்டில் மல்யுத்தம் பிரிவில் தங்கம் வென்ற இந்திய வீராங்கனை வினேஷ் போகாட், டெல்லி விமான நிலையத்தில் தன காதலருடன் நிச்சயதார்த்தம் செய்துக்கொண்டார்.
18வது ஆசிய விளையாட்டு போட்டிகள் இந்தோனேஷியாவில் நடைபெற்று வருகிறது. இந்திய வீரர்கள் தொடர்ந்து பதக்கங்களை குவித்து வருகின்றனர். வினேஷ் போகாட் என்ற இந்திய வீராங்கனை மல்யுத்த பிரிவில் தங்கம் வென்றார்.
இதன்மூலம் ஆசிய விளையாட்டில் தங்கம் வென்ற முதல் இந்திய வீராங்கனை என்ற பெருமையையும் பெற்றுள்ளார். கடந்த சனிக்கிழமை வினேஷ் தங்கம் வென்று நாடு திரும்பினார். அன்று அவருக்கு பிறந்தநாள் என்பதால் அவரது குடும்பத்தினர் டெல்லி விமான நிலையத்திலே கொண்டாடினார்.
மேலும் வினேஷ் காதலர் விமான நிலையத்திலே நிச்சயதார்த்தம் செய்ய முடிவு எடுத்தார். அதன்படி பிறந்தநாள் மற்றும் நிச்சயதார்த்தம் இரண்டும் விமான நிலையத்திலே கொண்டாடப்பட்டது.
