ஐபிஎல் ப்ளே - ஆஃப் சுற்றிற்குள் நுழைய டெல்லி அணியை இன்று வீழ்த்துவதன் மூலம், மும்பை அணி அதனை அடைய வாய்ப்புள்ளது.
ஐபிஎல் போட்டியின் இன்றைய 4.00 மணி ஆட்டத்தில் ரோகித் ஷர்மா தலைமையிலான மும்பை அணியும், ஷிரியாஸ் ஐயர் தலைமையிலான டெல்லி அணியும் மோதுகின்றன. டெல்லி ஃபெரோஸ் ஷா கோட்லா ஸ்டேடியத்தில் இப்போட்டி நடைபெற உள்ளது.
டெல்லி அணி இதுவரை விளையாடிய 13 ஆட்டத்தில் 9 இல் தோற்றுள்ளது. இதன்மூலம் டெல்லி அணி ப்ளே - ஆப் சுற்றிற்கு முன்னேறும் வாய்ப்பை தவறவிட்டது. அடுத்ததாக மும்பை அணி இதுவரை விளையாடிய 13 ஆட்டத்தில் 6 இல் வெற்றி பெற்றுள்ளது. ஆனால் ராஜஸ்தான், பஞ்சாப், மும்பை ஆகிய 3 அணிகளில் எந்த அணி ப்ளே - ஆஃபிற்கு செல்லப்போகிறது என்று இன்றைய ஆட்டத்தில் தெரிந்துவிடும்.
ப்ளே ஆபிற்கு முன்னேற வேண்டும் என்றும் தங்கள் அணியை ஏற்கனவே தோற்கடித்த டெல்லி அணியை வெல்ல வேண்டும் என்று மும்பை அணி முனைப்பில் உள்ளது. அதே போல் டெல்லி அணியும் மும்பை அணியை தோற்கடிக்க கடுமையாக பிராக்டீஸ் செய்து வருகிறது.
