விரைவில் நாடாளுமன்றத் தேர்தல் நடைபெறவுள்ளது. இதனால் நாடு முழுவதும் உள்ள தேசிய கட்சிகளும், மாநில கட்சிகளும் தங்கள் கட்சி நிர்வாகிகள் மற்றும் தொண்டர்களை ஆயத்தப்படுத்தி வருகின்றனர்.
இந்த நிலையில், தமிழகத்தில் உள்ள திமுக கட்சி கூட்டணி கட்சிகளுடன் பேச்சுவார்த்தை நடத்தி வருக்கிறது. ஏற்கனவே, காங்கிரஸ், மதிமுக, கம்யூனிஸ்ட் ஆகிய கட்சிகளுடன் தொகுதிப் பங்கீடு பற்றி பேச்சுவார்த்தை நடத்தி வருகிறது.
இந்த நிலையில், திமுக கூட்டணியில் ''மக்கள் நீதி மய்யம் '' இடம்பெறும் எனக் கூறப்படும் நிலையில், வெளிநாட்டு பயணத்தை முடித்து சென்னை திரும்பியதும் முதல்வர் மு.க.ஸ்டாலினை கமல்ஹாசன் சந்திக்கவுள்ளதாக கூறப்பட்டது.
இந்த நிலையில், வரவுள்ள மக்களவை தேர்தலில் யாருடன் கூட்டணி அமைத்தாலும், டார்ச் லைட் சின்னத்திலேயே போட்டியிட கமல் முடிவு செய்துள்ளதாகவும், தேர்தல் ஆணையம் டார்ச் லைட் சின்னத்தை ஒதுக்காத பட்சத்தில் வேறு சின்னத்தில் போட்டியிட திட்டமிட்டுள்ளதாக தகவல் வெளியாகிறது.
