சி.பி.எஸ்.இ 12ஆம் வகுப்பு பொருளியல் மற்றும் சி.பி.எஸ்.இ 10ஆம் வகுப்பு கணிதம் ஆகிய பாடங்களின் வினாத்தாள் இண்டர்நெட்டில் லீக் ஆகிவிட்டதால் இந்த இரண்டு பாடங்களுக்கும் மறுதேர்வு நடத்தப்படும் என அறிவிக்கப்பட்டிருந்தது. மேலும் சி.பி.எஸ்.இ 12ஆம் வகுப்பு பொருளியல் பாடத்திற்கான மறு தேர்வு ஏப்ரல் 25 -ம் தேதி நடைபெறும் என்று ஏற்கனவே அறிவிக்கப்பட்டது. ஆனால் சி.பி.எஸ்.இ 10ஆம் வகுப்பு தேர்வு தேதி இதுவரை அறிவிக்கப்படவில்லை
இந்த நிலையில் சி.பி.எஸ்.இ 10ஆம் வகுப்பிற்கு மறுதேர்வு இல்லை என்று அறிவிக்கப்பட்டுள்ளது. மறு தேர்வுக்கு எதிர்ப்பு தெரிவித்து போராட்டங்கள் நடைபெற்ற நிலையிலும் மாணவர்கள் நலன் கருதியும் இந்த மறுதேர்வு முடிவை ரத்து செய்துவிட்டதாக அறிவிக்கப்பட்டுள்ளது.
ஆனால் அதே நேரத்தில் இனிமேல் வினாத்தாள் கசிவு ஏற்படாமல் அனைத்து பாதுகாப்பு ஏற்பாடுகளும் நடைமுறைப்படுத்தப்படும் வேண்டும் என்று சி.பி.எஸ்.இ வாரியத்திற்கு மத்திய அரசு உத்தரவிட்டுள்ளது என்பது குறிப்பிடத்தக்கது.
