ஷாருக்கான் நடிப்பில் அட்லி இயக்கத்தில் உருவான ஜவான் திரைப்படம் சமீபத்தில் வெளியான நிலையில் இந்த படம் மிகப்பெரிய வரவேற்பை பெற்றுள்ளது. இந்த நிலையில் ஜவான் படத்திற்கு பாஜக பாராட்டு தெரிவித்துள்ளது.
காங்கிரஸ் ஆட்சி காலத்தில் நடந்த ஊழல்களை ஜாவன் திரைப்படம் அம்பலப்படுத்தியதாக பாஜக தெரிவித்துள்ளது. பாஜகவின் தேசிய செய்தி தொடர்பாளர் இது குறித்து கூறிய போது ’ஊழல் நிறைந்த முந்தைய காங்கிரஸ் அரசை ஜவான் படத்தில் அம்பலப்படுத்திய ஷாருக்கான் மற்றும் அட்லிக்கு நாம் நன்றி செலுத்த வேண்டும்.
கடந்த 2004 முதல் 2014 வரை ஆட்சியில் இருந்த காங்கிரஸ் தலைமையிலான கூட்டணியில் நடந்த ஊழலை இந்த படம் நினைவுபடுத்துகிறது என்று கூறினார்.
காமன்வெல்த் ஊழல், 2ஜி ஊழல், நிலக்கரி சுரங்க ஊழல் ஆகிய ஊழல்கள் முந்தைய அரசியல் இருந்தது என்றும் தற்போதைய மோடி தலைமையிலான அரசு ஊழலற்ற அரசாக உள்ளது என்றும் அவர் தெரிவித்தார்.
