பெரோஸ் ஷா கோட்லா மைதானத்தில் நடக்கும் இன்றைய போட்டியில் தோனி தலைமையிலான சென்னை சூப்பர் கிங்ஸ் அணியும், ஷ்ரேயாஸ் ஜயர் தலைமையிலான டெல்லி டேர்டெவில்ஸ் அணியும் மோதுகின்றன.
சென்னை அணி இதுவரை 12 ஆட்டங்களில் விளையாடி 8 வெற்றிகளுடன் புள்ளிப்பட்டியலில் 2 வது இடம் பெற்று பிளே-ஆப் சுற்றுக்கு முன்னேறியது. ஆனால் டெல்லி அணியோ இதுவரை 12 ஆட்டங்களில் விளையாடி 9 ஆட்டங்களில் தோற்று பிளே-ஆப் வாய்ப்பை இழந்தது.
இந்நிலையில், இன்று நடைபெறும் போட்டியில் சென்னை அணி வெற்றி பெற்று புள்ளிப்பட்டியலில் 2வது இடத்தை உறுதி செய்யும் நோக்கில் களமிறங்குகிறது, டெல்லி அணி இழப்பதற்கு எதுவும் இல்லை என்ற நிலையில் களமிறங்குகிறது.
இவ்விரு அணிகளும் மோதிய முந்தைய லீக் ஆட்டத்தில் டெல்லியை சென்னை அணி 13 ரன்கள் வித்தியாசத்தில் வீழத்தியது குறிப்பிடத்தக்கது.
