மாஸ் படத்துக்கு யுவன் இசையமைத்து வருகிறார். இந்நிலையில், யுவன் கம்போஸ் செய்த ஒரு பாடல் சரியில்லை என சூர்யா அந்தப் பாடலை உருவாக்கும் பொறுப்பை தமனிடம் தந்ததாகவும், அதனால் மாஸ் படத்தின் பின்னணி இசை அமைக்க யுவன் மறுத்ததாகவும் செய்தி வெளியானது. யுவனைத் தவிர வேறு ஒருவரை மாஸ் படத்தின் இசையமைப்பாளராக அனுமதிக்க முடியாது என வெங்கட்பிரபு கூறியதாகவும் தகவல் கசிந்தது.
இந்த விவகாரத்தில் வெங்கட்பிரபுடன் சூர்யா மோதல் போக்கை கடைப்பிடிப்பதாக வந்த செய்தியை சூசகமாக மறுத்துள்ளார் சூர்யா.
நேற்று மாஸ் படத்தின் டப்பிங் நடந்தது. சூர்யா தான் சம்பந்தப்பட்ட காட்சிகளுக்கான டப்பிங்கை பேசினார். அதற்காக டப்பிங் ஸ்டுடியோ வந்த அவர் வெங்கட்பிரபுவுடன் எடுத்துக் கொண்ட செல்பி போட்டோவை தனது ட்விட்டரில் வெளியிட்டுள்ளார்.
இருவரும் சிரிக்கிற அந்தப் போட்டோ மாஸ் படம் குறித்த வதந்திகளை எரிக்கிற மாதிரி உள்ளது.