குடும்ப தலைவிகளுக்கான வீட்டு உபயோக குறிப்புகள்....

மாவு பிசைந்தவுடனேயே பூரி போட வேண்டும். மாவு பிசையும்போது சிறிதளவு பால் சேர்த்தும், ஒரு சிட்டிகை சமையல் சோடா சேர்த்து பிசைந்தால் எண்ணெய் குடிக்காது. மேலும் நன்கு உப்பி வரும்.

* வீட்டில் எலித்தொல்லை அதிகமாக இருந்தால், எலி நடமாடும் இடங்களில் கருப்பு மிளகை அல்லது புகையிலை போட்டு வைத்தால் எலித்தொல்லை குறையும்.

* எறும்புகள் நடமாடும் இடங்களில் வெள்ளரித் தோலை வைத்தால் எறும்புத் தொல்லை குறையும்.

* சட்டையில் ஒட்டியுள்ள பபிள்கம்மை நீக்க,அந்த சட்டையை குளிர்சாதன பெட்டியின் பிரீசரில் வைத்துவிட்டு,கொஞ்சம் நேரம் கழித்து எடுத்துப் பார்த்தால் போதும்.

* மோர்க்குழம்பு ஆறும் வரை மூடக்கூடாது. இதற்கு தாளிக்க தேங்காய் எண்ணெய்யை பயன்படுத்த வேண்டும்.

* பச்சை கற்பூரம் டப்பாவில், நான்கு மிளகை போட்டு வைக்க வேண்டும். கொசுக்கள் அழிவதற்கு முக்கியமான பொருள். சல்பர் எங்கு இருந்தாலும், கொசுக்கள் வெளியில் தான் இருக்கும். கற்பூரம் சல்பரினால் ஆனது.

* ஒரு பாத்திரத்தில் தன்ணீர் விட்டு, அதில் பச்சை கற்பூரத்தைப் போட்டு வைத்தால், அதில் இருந்து வரும் வாசனைக்கு கொசுக்கள் வீட்டை எட்டிக் கூட பார்க்காது.

* சட்டையில் உள்ள இன்க் கரை போக வேண்டுமென்றால், கரை உள்ள இடத்தில் டூத் பேஸ்டை தேய்த்து, அதை காயவிட்டு, பின்னர் துவைத்தால் போதும்.

* எலுமிச்சையிலிருந்து அதிக சாறு எடுக்க வேண்டுமென்றால், பிழியும் முன்னர் ஒரு மணி நேரத்திற்கு வெந்நீரில் எலுமிச்சையை ஊற வைத்தால் போதும்.

* உருளைக்கிழங்கு தோலை எளிதாக உரிக்க, வேக வைத்து எடுத்ததும் உடனே குளிர்ந்து நீரில் போட்டு வைத்தால் எளிதாக உரிக்கலாம்.

* கீரைகளை மூடிப்போட்டு சமைக்கக்கூடாது. காய்கறிகளை ரொம்பவும் பொடியாக நறுக்கக்கூடாது. இதனால் சத்துக்கள் வீணாவதை தவிர்க்கலாம்.

* சூடாக இருக்கும் போது, எலுமிச்சம்பழம் பிழியக்கூடாது. மிதமான சூட்டில் பிழியலாம்.