பிரபல இயக்குனரும், ஒளிப்பதிவாளருமான ராஜீவ் மேனன் இயக்கத்தில் ஜி.வி. பிரகாஷ் நடிப்பில் உருவாகியுள்ள 'சர்வம் தாளமயம்’ படத்தின் டிரெய்லர் வெளியாகி உள்ளது.
ஏ.ஆர்.ரஹ்மான் இசையமைக்கும் இந்த படத்தில் ஜி.வி பிரகாஷ் உடன் அபர்ணா பாலமுரளி, நெடுமுடி வேணு, வினீத் உள்பட பலர் நடித்துள்ளனர். இசை கலைஞனின் வாழ்க்கையை பிரதிபலிக்கும் இந்த படம் ஜி.வி.பிரகாஷ்க்கு ஒரு நடிகராக திருப்புமுனை தரும் படமாக இருக்கும் என எதிர்பார்க்கப்படுகிறது. சர்வம் தாளமயம் படத்தின் பாடல்கள் ஏற்கனவே வெளியாகி பெரும் வரவேற்பை பெற்றது. இப்போது சர்வம் தாளமயம் படத்தின் டிரெய்லர் வெளியாகி உள்ளது. இந்த டிரெய்லர் ரசிகர்கள் மத்தியில் நல்ல வரவேற்பை பெற்று வருகிறது.
